COCORICO

COCORICO

Editorial:
OQO EDITORA
Año de edición:
Materia
Álbum ilustrado
ISBN:
978-84-9871-156-1
Páginas:
36
Encuadernación:
Cartoné
Colección:
Q GALEGO
-5%
13,50 €
12,83 €
IVA incluido
En stock
Añadir a la cesta

Cocorico é un pitiño que vive feliz coa súa nai.
Un día que Mamá Galiña vai facer biscoito,
o pitiño ofrécese a ir pola leña para acender o forno.
Cando está en plena faena, aparece un gato enorme e malvado que o quere devorar.
De milagre, Cocorico salva a vida
porque lle promete que lle dará a metade da merenda.
Mais, unha vez pasado o perigo,
o lambón de Cocorico esquece o trato
e come o biscoito enteiro.
A mamá anóxase: vai vir Gato Pelado
e vaite comer dun bocado!
Nisto escoitan un ruído na porta:
É Gato Pelado reclamando a súa metade de biscoito…

Cocorico constitúe unha adaptación libre dun conto tradicional birmano co que os máis pequenos aprenden a compartir, a cumprir as promesas e a escoitar os consellos daqueles que saben máis.

Neste caso, o pitiño é o causante da furia do gato, ao non lle deixar ren da merenda. Menos mal que Mamá Galiña virá en auxilio do seu pequeno e Cocorico finalmente aprenderá unha valiosa lección.

A ilustradora intercala algunha colaxe, mais diversos materiais e texturas, e cun debuxo de trazo fino e delicado, engaiola os máis pequenos e consegue plasmar toda a tenrura da historia. As imaxes luminosas, de cores vivas, moi acordes co ritmo do texto, contribúen a perfilar con mestría os sentimentos dos personaxes: a inquietude do pitiño, a dozura da galiña, a carraxe do gato...

Cunha linguaxe sinxela, mais que espreme ao máximo as posibilidades da palabra, velaquí un divertido conto de tres personaxes, para gozalo cos cinco sentidos, e que emocionará os máis pequeniños.

Texto de Marisa Núñez, a partir dun conto tradicional birmano
Ilustracións de Helga Bansch

+ 3 anos

Otros libros del autor

Otros clientes también compraron